Umunya-Burkina Faso Stéphane Aziz Ki ukinira Young Africans muri Tanzania ashobra kwisanga muri APR FC
Ikipe y’ingabo z’igihugu, APRC FC itaratsindwa umukino n’umwe muri shampiyona y’ikiciro cya mbere hano mu Rwanda kuva yatangira gutozwa n’umufaransa THIERY FORGE, ikomeje gutekereza uko yakongera imbaraga mu ikipe.
Nubwo iyi kipe ifite Victor Mbaoma usanzwe ayatakira, gusa akaba yaraje guhura n’imvune bigakoma mu nkokora umubare we w’ibitego, ngo ikipe ya APR FC igomba gushaka umurusha mu rwego rwo gukomeza kubaka ikipe ikomeye yo guhatana ku ruhando nyafurika. Mu nzira y’abanyamahanga yagaruye nyuma y’igihe ikoresha abanyarwanda gusa.
Amakuru IJWI MONITOR akesha umunyamakuru umenyerwe cyane mu gutangaza inkuru zigura n’igurishwa ry’abakinnyi muri Africa Micky Jnr, aratangaza ko APR FC yaba yarikojeje mu gihugu cya Tanzania mu ikipe ya Young Africans ishakamo Umunya-Burkina Faso Stéphane Aziz Ki ukina asatira. Amakuru y’uyu munyamakuru avuga ko APR fc yaciwe agera kuri miliari imwe y’amanyarwnda.
Gusa mu kiganiro umunyamakuru ukorera mu gihugu cya Tanzania Nasri Khalifan kuri radiyo yitwa Wasfi FM, yatngarije Kigali today ko ayo makuru muri tanzaniya ntayo bazi. Yakomeje avuga ko kandi n’uwashaka kuva muri Younger byagorana ko yakwerekeza mu yindi kipe yo muri Afurika y’Uburasirazuba.
