Nyamagabe: Umuyobozi ukomeye mu karere yafashwe asambana mu ruhame
Umuyobozi ushinzwe kubika amakuru mu karere ka Nyamagabe(Data manager) yafashwe yakamejeje ku muhanda asambana birangira RIB imutaye muri yombi.
Ibi byamenyekanye aho amashushu y’uyu mugabo yakomeje gusakara ku mbugankoranyambaga ari mu kabari yicaweho n’umukobwa basambana, aho ngo umukobwa yari hejuru ye amwinyongaho cyane
RIB ikimenya aya makuru yahise ifata uyu mugabo imuta muri yombi aho umuvugizi wa RIB mu Rwanda Dr Murangira B Thiery yatangaje ko RIB yataye muri yombi uyu mugabo kuwa 06 Mata, nyuma yo gufatwa akora ibikorwa by’urukozasoni mu ruhame ( asambanira mu ruhame). uyu muvugizi wa RIB yakomeje avuga ko imyitwarire nk’iyi idahwitse kandi idakwiye mu muryango nyarwanda.\
Uwafashwe afungiye kuri Sitasiyo ya RIB ya Muhima mu Karere ka Nyarugenge, mu gihe iperereza rikomeje kugira ngo dosiye itunganywe ishyikirizwe Ubushinjacyaha.
Icyaha yakoze agihamijwe yahanishwa ingingo ya 143 y’itegeko riteganya ibyaha n’ibihano muri rusange. Iteganya igifungo kitari munsi y’amezi atandatu ariko kitarenze imyaka ibiri.
