Kwishimira insinzwi ya Liverpool ku bafana ba Arsenal byabaye iraha ry’akanya gato.

Ku munsi w’ejo ku cyumweru tariki ya  14/4 ikipe ya Liverpool niyo yabimburiye izindi ku mikino isoza umunsi wa 32 wa shampiona y’Abongereza (Premier League).  Ni ikipe yagiye gukina ibizi neza ko umwe mu  bakeba  bahanganiye igikombe ariwe Manchester City yari yatsinze umukino we kandi anyagiye ikipe ya Luton Town ibitego 5_1.

Uyu ni umukino wagiye kuba abantu batekereza ko Klop n’abasore be baherukaga gutsindirwa na Atalanta ku kibuga Anfield  ibitego 3_0 bagombaga kwihorera imbere ya Crystal Palace. Gusa zakomeje kubyara amahari kuko umukino warangiye yongeye gutsindirwa ku kibuga cyayo. Ni igitego batsinzwe ku munota wa 14′ gitsinzwe n’umusore Eberechi Eze. Liverpool yakomeje gushaka uko yakwishyura ariko birananirana.

Iyi kipe ikimara guhura n’isanganya abafana ba Arsenal bumvaga ko bagize amahirwe kuko abakeba basaga nabagabanutse. Gusa n’abo ntibyatinze kuko nyuma y’iminota 30 umukino wa Arsenal na Aston Villa waje gutangira. Maze ikipe ya Aston yifatira ku gakanu Arsenal  iyitsinda ibitego 2_0 bya Leon Bailey na Ollie Watkins  kandi iyirusha.  Ikipe ya Arsenal yatsinzwe n’ikipe ifite umutoza yirukanye ariwe Unai Emery, ndetse n’umuzamu Emiliano Martínez wakuyemo ibitego 4 (saves).

Manchester City yahise ifata umwanya wa mbere n’amanota 73, ica kuri kuri Liverpool na Arsenal zifite amanota 71. Mu gihe hasigaye imikino 6 kugira ngo shampiyona ishyirweho akadomo kuko aya makipe yombi amaze gukina imikino 32. Mu mikino isigaye  Arsenal igomba gukina n’amakipe arimo Wolves, Chelesea, Thothenum, Bournemouth, Manchester United na Everton.

Ku rundi ruhande Liverpool yo isigaje gukina imikino irimo Fulham, Everton, West Ham United, Thothenum, Aston Villa na wolves. Manchester City yamaze kwicara ku mwanya wa mbere binagoye kuzawuyivanaho, igomba gusoza imikino isigaje ikina na Brighton, Nottingham Forest,Wolves, Fulham, Tottenham Hotspur, na West Ham United.