Amayobera ku mugabo w’umukire wafashe umwanzuro wo gushyingura isanduku bikekwa ko yuzuyemo amafaranga mu irimbin rusange
Ku wa 30 Werurwe 2023, saa kumi z’umugoroba, Nzayisenga Daniel uzwi ku izina rya Kazungu wo mu Mudugudu wa Kadasomwa, Akagari ka Kamashangi mu Murenge wa Kamembe wo mu karere ka Rusizi, yashyinguye isanduku irimo imyase yonyine afatanije n’abandi babiri biteza impagarara mu baturage.
Abaturage bahaye inzego z’umutekano amakuru ko mu nzu y’uyu mugabo basohoyemo isanduku bishoboka ko harimo umurambo utamenyekanye kuko abaturanyi be batamenyeshejwe ko bagize ibyago.
Bamwe muri abo baturage bavugiraga mu matamatama ko uyu mugabo yaba yashyinguye amafaranga cyangwa hakaba hari umuntu yapfuye akabihisha.
Mu gitondo cyo ku wa 31 Werurwe 2023 inzego z’umutekano zirimo RIB zageze ku irimbi bataburura isanduku basanga ari imyase Nzayisenga yashyinguye.
Umuturage w’umusaza Samuel wo muri aka gace yagize Ati “Mbonye ari ibintu bitangaje kubona umuntu ahamba imyase ni amayobera biteye ubwoba Isi iri kudushirira.” avuga ko aya ari amayobera matagatifu nk’amwe ya Padiri.
Umunyamabanga nshingwabikorwa w’Umurenge wa Gihundwe Ingabire Joyex yabwiye Umuseke dukesha inkuru ko abaturage bagaragaje impungenge biba ngombwa ko bajya gutaburura iyo mva.
Ati “Twari twagize amatsiko abaturanyi bari batubwiyeko impungenge ko baba ari umuntu baba bishe batanze amakuru dukorana n’inzego RIB na Polisi, uyu munsi twagezeyo turacukura dusanga muri iyo sanduku twasanze harimo imyase y’inkwi.”
Mubyo yasabye abaturage harimo kwirinda ibihuha nokujya batangira amakuru ku gihe mu gihe bahuye n’ibyahungabanya ituze rya rubanda.
Abafashwe bari mu maboko ya RIB Station ya kamembe ni Nzayisenga Daniel alias Kazungu w’imyaka 32 y’amavuko y’amavuko, Mporayonzi Abdou w’imyaka 33 y’amavuko uwamufashije guterura isanduku
na Rafiki Elisa w’imyaka 21 y’amavuko umukozi wa Kazungu
