Amahanga Yashyizeho Iminsi yo Kunamira Abahitanwe n’Iturika ry’Igisasu mu Bitaro bya Gaza
Ibihugu bimwe na bimwe byatangaje ibihe by’icyunamo nyuma y’iturika ryo ku wa kabiri mu bitaro bya Al-Ahli i Gaza aho minisiteri y’ubuzima ya Palesitine yavuze ko hapfuye amagana y’abantu.
Ku wa gatatu, Siriya yatangaje icyunamo rusange mu gihe cy’iminsi itatu, guhera ku ya 18 Ukwakira.
Ku wa gatatu, Misiri yatangaje iminsi itatu y’icyunamo muri rusange.
Ku wa kabiri, Irani yatangaje icyunamo muri rusange mu gihugu iminsi itatu, “mu rwego rwo guha icyubahiro inzirakarengane zaguye mu muriro w’ibitero by’ubugome.”
Ku wa kabiri, Yorodani yatangaje iminsi itatu y’icyunamo mu rwego rwo “guha icyubahiro abahowe Imana bo mu bitaro by’Ababatisita ba Al-Ahli n’abahowe Imana i Gaza.”
Ku wa kabiri, Libani yatangaje ko ku wa gatatu ari umunsi w’icyunamo mu gihugu.
Ku wa kabiri, Mauritania yatangaje iminsi itatu y’icyunamo mu gihugu nyuma y’iturika ry’ibitaro maze isabaamahanga kwihutira guhagarika “mu maguru mashya” icyo yise “itsembabwoko” ry’Abanyapalestine.
Ku wa kabiri, i Gaza, Perezida wa Palesitine Mahmoud Abbas na we yatangaje ko hazizihizwa iminsi itatu y’icyunamo ku bahitanywe n’icyo gisasu.
Abayobozi ba Gaza bashinja Isiraheli kuba ari yo yaturikiye ibitaro, mu gihe ingabo z’igihugu cya Isiraheli zavuze ko ari roketi ya Jihad ya kisilamu. Jihad ya kisilamu kandi yahakanye kuba nyirabayazana w’icyo gisasu.
Source: CNN News
