Gavira yagize imvune iteye ubwoba mu ivi asohoka arira nk’utazagaruka vuba mu kibuga ⚽

 Gavira ukinira FC Barcelona yagize imvune iteye ubwoba mu ivi. Mu mukino ikipe y’igihugu ya Espanye yatsinzemo Georgia ibitego 3 _0, yasohotse mu kibuga arira amarira angana imvura. Uyu musore byasabye iminota 26′ yonyine kugira ngo imvune imuvane mu kibuga, aho yaje gusimburwa na Ohian Sancet Tirapu ukinira  Athletic Bilbao.

Pablo Martín Paéz Gavira usanzwe ukina mu kibuga hagati yasimbujwe ikipe ye y’igihugu ya Espanye inganya na Georgia igitego 1_1. Dore ko ku munota wa 4′ Le Normand Robert yari afunguye amazamu maze ku munota wa 10′ Khvicha Kvaratskhelia yishyurira  Georgia bajya no kuruhuka banganya 1_1.

Mu gice cya Kabiri Ferran Torres yaje gutsinda igitego cya kabiri ku munota wa 55′ maze akishimira afashe umwambaro wa Pablo Gavi agaragaza nimero ya Gavi,mu rwego rwo kwifatanya nawe mu bihe bitoroshye by’imvune. Ku munota wa 72′ Luka  Lochoshvili  yaje kwitsinda igitego kiba icya 3 cya Espanye, umukino urangira ari 3_0.

Uyu musore asanze mu mvune abandi bakinnyi bakomeye barimo: Vinicius Jr, Jude Belingham, Camavinga, Rash Ford ndetse na Halland bombi bagize imvune muri iyi mikino y’ibihugu, mu marushanwa atandukanye. Gusa bikavugwa ko imvune ya Halland yo ari impimbano atigeze avunika, imvune ye ikaba yaratangajwe mu rwego rwo gutegura umukino Manchester City ifitanye na Liverpool.