Mvukiyehe Juvénal Ari Mubashaka Kugura Ikipe Ya Rugende FC
Mvukiyehe Juvénal wahoze ayobora Kiyovu Sports, ni we ufite amahirwe menshi yo kugura Ikipe ya Rugende FC yo mu Cyiciro cya Kabiri.
Amakuru avuga ko Mvukiyehe yamaze kwizera kugura iyi kipe nyuma y’igihe gito ahagaritswe mu micungire ya Kiyovu Sports.
Perezida wa Rugende FC, Rubegasa Hunde Walter, yemeye ko bagiranye ibiganiro na Mvukiyehe, ariko ibyo kuyigura bitararangira.
Ati: “Ukuri nuko twaraganiriye ariko ntabwo turanzura.”
Abajijwe ikibura ngo igurwa ry’iyi kipe rirangire, Rubegasa yagize ati: “Turi kumvikana ku buryo bwo kwishyura, ariko hari abandi bantu bane mfite, uri buze ashyiraho menshi ni we mfata.”
Munyakazi Sadate wahoze ayobora Rayon Sports na we ari mu bavugwa ko bashaka kugura Rugende FC.
