Jurgen Klopp ni umwe mu bakandida bashobora kujya gutoza Leta zunze Ubumwe z’Amerika.
Imikino ya kimwe cya kabiri mu gikombe cy’Uburayi yasize amakipe azakina umukino wa nyuma amenyekanye, ariyo Espanye izatana mu mitwe n’Ubwongereza ku wa 14 Nyakanga. Uyu ni umukino uzatangira saa 9:00 z’ijoro, ubere ku kibuga Olympiastadion Berlin.
Ninako bimeze ku makipe ari gukina imikino y’ibihugu muri Amerika y’Amajyepfo [Coper America]. Mu rukerera nibwo ikipe y’igihugu ya Urguay yasezerewe na Colombia ibatsinze igitego kimwe ku busa. Ikipe y’igihugu ya Argentine igomba guhura na Colombia ku mukino wa nyuma wa Copa America. Ku wa 15 saa 2:00 z’igicuku nibwo bagomba guhuria ku kibuga Hard Rock Stadium.
Nubwo iyi mikino iri gusiga bamwe mu byishimo hari n’abo iri gusiga baririmba urwo babonye. Nyuma y’uko ikipe ya Leta zunze Ubumwe z’Amarica baniniwe kuva mu itsinda rya 3 bari baherereyemo, aho basezerewe ari aba gatatu inyuma ya Urguay na Panama umutoza wayo Gregg Berhalter yamaze kwerekwa umuryango.
Ibi bije nyuma yuko tariki ya 3 z’uku kwezi BBC yatangaje ko Pepe Guardiola, umunya Espanye utoza Manchester na Jurgen Klopp Umudage uherutse gusezera mu ikipe ya Liverpool ari bamwe mu bakandida bashobora kuza gusimbura Gregg Berhalter. Pepe Guardiola, City Group ifite Manchester City irifuza kumwongerera amasezerano ariko nta gisubizo ke barabona ku mwaka umwe w’amasezerano asigaje. Gusa Pepe we anavuga ko yifuza kuzasoza atoje ikipe y’igihugu mu rugendo rwe.
